Financial Solutions for your Business Success
นำความสำเร็จสู่ธุรกิจด้วยหลักคิดทางการเงิน
ເປັນຫຼັກສູດທີ່ໄດ້ຮັບຄວາມຮ່ວມມື ແລະ ເສີມສ້າງມິດຕະພາບລະຫວ່າງ ຕະຫຼາດຫຼັກຊັບລາວ (Lao Securities Exchange), ຄະນະເສດຖະສາດ ແລະ ບໍລິຫານທຸລະກິດຂອງມະຫາວິທະຍາໄລແຫ່ງຊາດລາວ (National University of Laos) ແລະ ບໍລິສັດ ຫຼັກຊັບເອພີເອັມລາວ ຈໍາກັດ (APMLAO) ເປັນຫຼັກສູດທີ່ເໝາະສົມສໍາລັບ ຜູ້ບໍລິຫານບໍລິສັດ / ຝ່າຍວິເຄາະຫຼັກຊັບ / ຝ່າຍບໍລິຫານການເງິນ / ຝ່າຍກົດໝາຍ / ໜ່ວຍງານພາກລັດ ແລະ ລັດວິສາຫະກິດ / ຜູ້ປະກອບການ / ນັກທຸລະກິດ / ນັກສຶກສາ ແລະ ຜູ້ທີ່ມີຄວາມສົນໃຈຕ່າງໆ
ເຊິ່ງຜູ້ເຂົ້າເຝິກອົບຮົມຈະໄດ້ຮູ້ເຖິງວິທີການລະດົມເງິນທຶນໃນທາງເລືອກຕ່າງໆ ຜ່ານຕະຫຼາດທຶນ ແລະ ການເລືອກໃຊ້ເຄື່ອງມືທາງການເງິນຢ່າງຖືກຕ້ອງ, ບົດບາດໜ້າທີ່ຂອງຕະຫຼາດເງິນ ແລະ ຕະຫຼາດທຶນ, ການລົງທຶນ ແລະ ຜົນຕອບແທນທີ່ໄດ້ຮັບ, ການວິເຄາະຫຼັກຊັບ, ການປະເມີນມູນຄ່າຮຸ້ນ, ຈັນຍາບັນໃນການດຳເນີນທຸລະກິດ, ກົດເກນຕ່າງໆຂອງສຳນັກງານຄະນະກຳມະການຄຸ້ມຄອງຫຼັກຊັບ (ສຄຄຊ) ລວມໄປເຖິງການໄດ້ສຳພັດບັນຍາກາດຕົວຈິງຂອງຕະຫຼາດຫຼັກຊັບແຫ່ງປະເທດໄທ, ບໍລິສັດຫຼັກຊັບ, ບໍລິສັດທີ່ປຶກສາທາງການເງິນ ແລະ ບໍລິສັດຈົດທະບຽນໃນຕະຫຼາດຫຼັກຊັບ ໃນລະຫວ່າງການໄປ Study Tour / Company Visit. ໂດຍຫຼັກສູດຄັ້ງນີ້ຈັດຂື້ນວັນທີ 26-27 ເມສາ, 3-4, 10-11, 17-18, 22-23 ພຶດສະພາ (ສະເພາະວັນເສົາ ແລະ ວັນອາທິດ ລວມຈໍານວນ10ວັນ ບໍ່ລວມວັນໄປທັດສະນະສຶກສາ ແລະ ວັນສອບເສັງ) ໂດຍເລີ່ມຮຽນພາກເຊົ້າ 08:30 – 11:30 ພາກບ່າຍ 13:30 -16:30 ລົງທະບຽນ: 3,000,000 ກີບ/1ທ່ານ ລວມອາຫານທ່ຽງ, Coffee break (ເຊົ້າ ແລະ ບ່າຍ) ແລະ ເສື້ອຍືດ 1 ຕົວ.
ຮູບພາບ 1: ພິທີເປີດການເຝີກອົບຮົມຫຼັກສູດ Program – La-PIB I ຢ່າງເປັນທາງການ ທີ່ອາຄານຕະຫຼາດຫຼັກຊັບລາວ ຊັ້ນ 8 ໃນວັນທີ 26 ເມສາ 2014.
ຮູບພາບ 2: ທ່ານ ດາວວອນ ພະຈັນທະວົງ ປະທານສະພາບໍລິຫານ ບໍລິສັດ ຫຼັກຊັບເອພີເອັມລາວ ຈຳກັດ(APMLAO) ຮ່ວມກັບ ທ່ານ ສົມພົບ ສັກພັນພະນົມ ຜູ້ອຳນວຍການໃຫຍ່ ບໍລິສັດ ຫຼັກຊັບເອພີເອັມລາວ ຈຳກັດ(APMLAO) ແລະ ຜູ້ເຂົ້າຮ່ວມເຝິກອົບຮົມໄລຍະສັ້ນໃນຫຼັກສູດ Program - La.PIB I ເຂົ້າຢ້ຽມຢາມ ແລະ ສຶກສາເບິ່ງການເຮັດວຽກຕົວຈິງ ກ່ຽວການກັບແລກປ່ຽນຊື້-ຂາຍຮຸ້ນ ທີ່ຕະຫຼາດຫຼັກຊັບແຫ່ງປະເທດໄທ ໃນວັນທີ 22 ພຶດສະພາ 2014.
ຮູບພາບ 3: ທ່ານ ສົມພົບ ສັກພັນພະນົມ ຜູ້ອຳນວຍການໃຫຍ່ ບໍລິສັດ ຫຼັກຊັບເອພີເອັມລາວ ຈຳກັດ(APMLAO) ແລະ ຜູ້ເຂົ້າຮ່ວມເຝິກອົບຮົມໄລຍະສັ້ນໃນຫຼັກສູດ Program- La.PIB I ເຂົ້າຢ້ຽມຢາມ ແລະ ສຶກສາເບິ່ງການເຮັດວຽກຕົວຈິງຂອງ ບໍລິສັດ ຫຼັກຊັບຟີນັນເຊຍ ໄຊຣັສ ຈຳກັດ (ມະຫາຊົນ) ຫຼື Finansia Syrus Securities ໃນຖານະທີ່ເຮັດໜ້າທີ່ເປັນນາຍໜ້າໃນການແລກປ່ຽນ ຊື້-ຂາຍ, ທີ່ປຶກສາການລົງທຶນ, ເຮັດໜ້າທີ່ໃນການຈຳໜ່າຍຫຼັກຊັບ ທີ່ ອາຄານ Alma Link ຊັ້ນ17, ກຸງເທບມະຫານະຄອນ ໃນວັນທີ 22 ພຶດສະພາ 2014 ຜ່ານມາ.
ຮູບພາບ 4: ທ່ານ ສົມພົບ ສັກພັນພະນົມ ປະທານເຈົ້າໜ້າທີ່ບໍລິຫານ ບໍລິສັດ Asset Pro Managementຈຳກັດ (APM) ຮ່ວມກັບ ຜູ້ຊ່ວຍ ສາດສະດາຈານ ສຸດາ ປິຕະວັນ ຫົວໜ້າຝ່າຍວິໄຈ ບໍລິສັດ Asset Pro Managementຈຳກັດ (APM) ໄດ້ໃຫ້ການຕ້ອນຮັບ ຄະນະຜູ້ເຂົ້າຮ່ວມເຝິກອົບຮົມໄລຍະສັ້ນໃນຫຼັກສູດ Program- La.PIB I ເຂົ້າຢ້ຽມຢາມບໍລິສັດ Asset Pro Management ຈຳກັດ ຫຼື APM ເຊິ່ງເຮັດໜ້າທີ່ ເປັນທີ່ປຶກສາທາງດ້ານການເງິນ ໃນປະເທດໄທທີ່ດຳເນີນທຸລະກິດມາຫຼາຍກວ່າ 17 ປີ. ການຢ້ຽມຢາມດັ່ງກ່າວມີຂຶ້ນໃນວັນທີ 22 ພຶດສະພາ 2014 ທີ່ ອາຄານ The Offices At Central World, ຊັ້ນ 10 ກຸງເທບມະຫານະຄອນ.
ຮູບພາບ 5: ທ່ານ ສົມພົບ ສັກພັນພະນົມ ຜູ້ອຳນວຍການ ບໍລິສັດ ຫຼັກຊັບເອພີເອັມລາວ ຈຳກັດ(APMLAO) ຮ່ວມກັບ ຜູ້ເຂົ້າຮ່ວມເຝິກອົບຮົມໄລຍະສັ້ນໃນຫຼັກສູດ Program- La.PIB I ໄດ້ເດີນທາງຢ້ຽມຢາມ Asian Insulator Public Company Limited., ສຶກສາເບິ່ງຂັ້ນຕອນການຜະລິດລູກຖ້ວຍໄຟຟ້າ, ເປັນບໍລິສັດອຸດສາຫະກຳຂະໜາດໃຫຍ່ ຜະລິດ ແລະ ຈຳໜ່າຍ ລູກຖ້ວຍໄຟຟ້າ ກ່ຽວກັບການໄຟຟ້າ ແລະ ພະລັງງານ ໃນປະເທດໄທ ທີ່ຈັງຫວັດ ສິງບູຣີ ໃນວັນທີ່ 23 ພຶດສະພາ 2014.
ຮູບພາບ 6: ພິທີມອບໃບຢັ້ງຢືນໃຫ້ບັນດາຜູ້ເຂົ້າຮ່ວມເຝີກອົບຮົມໄລຍະສັ້ນ ໃນຫຼັກສູດ Program- La.PIB I ຈັດ ຂື້ນທີ່ອາຄານ ຕະຫຼາດຫຼັກຊັບລາວ ຊັ້ນ 8 ໃນວັນທີ 1 ມິຖຸນາ 2014.