ບໍລິສັດ ຫຼັກ​ຊັບເອພີ​ເອັມລາວ ຈຳກັດ ​(APMLAO) ແລະ ຕະຫຼາດ​ຫຼັກ​ຊັບ​ລາວ ​(LSX) ຮວ່ມ​ເປັນ​ເຈົ້າພາບ​ຈັດ​ງານ​ສຳ​ມະ​ນາ​ພາຍ​ໄຕ້​ຫົວ​ຂໍ້ “ການ​ກຽມ​ຄວາມ​ພ້ອມ​ເຂົ້າ​ຈົດ​ທະບຽນ​ໃນ​ຕະຫຼາດ​ຫຼັກ​ຊັບ​ລາວ” ​ໂດຍ​ມີ​ ຮ.ສ ​ເດດ​ພູ​ວັງ ມູລຣັຕນ໌ ປະທານ​ຄະນະຫົວໜ້າ​ໃຫຍ່​ຜູ້​ບໍລິຫານ ຕະຫຼາດ​ຫຼັກ​ຊັບ​ລາວ ໃຫ້​ກຽດ​ເປັນ​ປະທານກ່າວ​ເປີດ​ງານ. ​ພ້ອມ​ດ້ວຍຜູ້​ຮວ່ມບັນຍາຍ​ອີກ 2 ທ່ານ​ໄດ້​ແກ່ ທ່ານ ສົມພົບ ສັກ​ພັນ​ພະນົມ ຜູ້ອຳນວຍການໃຫຍ່ ບໍລິສັດ​ ຫຼັກ​ຊັບ​ເອພີ​ເອັມລາວ ຈຳກັດ ​ແລະ ທ່ານ ຮ.ສ ດ.ຣ ມົນຕີ ​ໂສ​ຄະຕິ​ຍານຸຮັກ ຜູ້ອຳນວຍການຫຼັກສູດ Master Of Public Administration (MPA) ຂອງ National Institute of Development Administration (NIDA) ​ໃນ​ວັນ​ທີ 16/12/2013 ​​ເຊິ່ງມີ​ຕົວແທນຈາກຫຼາຍພາກສ່ວນ​ຮວ່ມຟັງການ​ບັນຍາຍ​ກວ່າ 100 ທ່າ​ນ

ບໍ​ລິ​ສັດ​ ຫຼັກ​ຊັບ​ເອພີ​ເອັມລາວ ຈຳ​ກັດ ຮ່ວມ​ເປັນ​ເຈົ້າພາບ​ຈັດ​ງານສຳ​ມະ​ນາ​ຮ່ວມ​ກັບທະນາຄານ​ແຫ່ງ ສປປ ລາວ ພາຍ​ໃຕ້​ຫົວ​ຂໍ້ ”ບັນຊີ​ສະຫະກອນ​ສິນ​ເຊື່ອ ​ແລະ ​ເງິນ​ຝາກ​ປະ​ຢັດ” ຄັ້ງທີ່ 1 ​ໂດຍ ດ.ຣ ອັກຄະ​ພົງ​ ພີລະ​ເຊື້ອ ຈາກ​ພາກ​ວິຊາ​ບັນຊີ ຄະນະ​ບໍລິຫານ​ທຸລະ​ກິດ ມະຫາ​ວິທະຍາ​ໄລ​ຊຽງ​ໃໝ່ (ປະ​ເທດ​​ໄທ) ​ເປັນຜູ້​ບັນຍາຍ ​ທີ່​ທະນາຄານແຫ່ງ ສປປ ລາວ ​ໃນ​ວັນ​ທີ 22ມັງກອນ 2014 ​ໂດຍ​ມີ​ຜູ້​ເຂົ້າຮ່ວມ​ຈາກ​ບັນດາ​ສະ​ຖາ​ບັນ​ການ​ເງິນ​ແຫ່ງ​ຕ່າງໆ​ກ່ວາ 50 ທ່ານ.

ງານ​ສຳ​ມະ​ນາ​ພາຍ​ໃຕ້​ຫົວ​ຂໍ້ ”ຮຸ້ນ​ກູ້​ສາມາດ​ຊ່ວຍ​ທຸລະ​ກິດ​ເຕີບ​ໂຕ​ໄດ້​​ແນວ​ໃດ” ​ໂດຍ​ການຮ່ວມມື​ກັບ ​ສຳ​ນັກ​ງານຄະນະ​ກຳມະການຄຸ້ມ​ຄອງຫຼັກ​ຊັບ​, ຕະຫຼາດ​ຫຼັກ​ຊັບ​ລາວ, TRIS Corporation Limited & TRIS Rating Co., Ltd ​ແລະ APMLAO ງານ​ດັ່ງກ່າ​ວ​ໄດ້​ຈັດຂຶ້ນ​ໃນ​ວັນ 19 ກຸມພາ 2014 ​ທີ່​ຊັ້ນ 8 ຕະຫຼາດ​ຫຼັກ​ຊັບ​ລາວ​ເຊິ່ງມີ​ຜູ້​ເຂົ້າຮ່ວມ​ງານ​ຈຳນວນ​ຫຼາຍ​ເຊັ່ນ​ບັນດາ​ບໍລິ​ສັດ ​ແລະ ບຸກຄົນ​ທີ່​ສົນ​ໃຈ​ເຂົ້າຮ່ວມຈຳນວນ 200 ​ກ່ວາ​ຄົນ.

ຈັດ​ງານ​ສຳ​ມະ​ນາ ​ໂດຍ​ກາ​ນຮ່ວມ​ມື​ກັບ​ທະນາຄານ​ແຫ່ງ ສປປ ລາວພາຍ​ໃຕ້ຫົວ​ຂໍ້ ”ບັນຊີ​ບໍລິສັດ​ເຊົ່າ​ສິນ​ເຊື່ອ” ຄັ້ງທີ່ 2 ​ ໃນ​​ວັນ​ທີ 26 ກຸມພາ 2014 ຜ່ານ​ມາທີ່​ທະນາຄານ​ແຫ່ງ ສປປ ລາວ, ​​ໂດຍ​ໃຫ້​ກຽດ​ເປັນ​ປະທານ​ຂອງ ດຣ ອາຄົມ ປຣະ​ເສີດ ຫົວໜ້າ​ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ ທະນາຄານ​​ແຫ່ງ ສປປ ລາວ ​​ພ້ອມ​ດ້ວຍ ທ່ານ ສົມພົບ ສັກ​ພັນ​ພະນົມ ຜູ້ອຳນວຍການ ບໍລິສັດ ຫຼັກ​ຊັບ​ເອພີ​ເອັມລາວ ຈຳ​ກັດ, ໃຫ້​ກຽດ​ເປັນ​ປະທານ​ຮ່ວມກ່າວ​ເປີດ​ງານສຳມະ​ນາ ​ ພ້ອມ​ທັງກ່າ​ວ​ເຖິງ​ຈຸດປະສົງ​ຂອງການ​ຈັດ​ງານ ໂດຍມີ​ບັນ​ດາ​ພະນັກງານ 30 ກວ່າ​ທ່ານເຂົ້າ​ຮ່ວມ

ບໍລິສັດ​ ຫຼັກຊັບ​ເອພີ​ເອັມລາວ ຈຳກັດ ​ເປັນ​ອີກ​ໜຶ່ງ​ບໍລິສັດ ທີ່​​ໄດ້​ມີ​ສ່ວນຮ່ວມ​ງານ ​ເປີດ​ໂລກ​ແຫ່ງ​ການ​ລົງທຶນ ປະຈຳ​ປີ 2014 ຫຼື “ INVESTMENT GATEWAY 2014 “​ ເຊິ່ງຕະຫຼາດ​ຫຼັກ​ຊັບ​ລາວ ​​​ເປັນ​ຜູ້ຈັດ​ຂຶ້ນ, ​ໃຫ້ກຽດກ່າວເປີດງານໂດຍທ່ານ ຮ.ສ. ເດດພູວັງ ມູລຣັຕນ໌, ປະທານຄະນະ, ຫົວໜ້າໃຫຍ່ຜູ້ບໍລິຫານຕະຫຼາດຫຼັກຊັບລາວ (ຕລຊລ) ແລະ ເຂົ້າຮ່ວມໂດຍທ່ານ ນາງ ວັດທະນາ ດາລາລອຍ, ຫົວໜ້າສຳນັກງານຄະນະກຳມະການຄຸ້ມຄອງຫຼັກຊັບ ທ່ານ ສົມພົບ​ ສັກ​ພັນ ພະນົມ ຜູ້ອຳນວຍ ບໍລິສັດ ​​ຫຼັກ​ຊັບ​ເອພີ​ເອັມລາວ ຈຳກັດ ພ້ອມ​ດ້ວຍ​ແຂກ​ທີ່​ຖືກ​ເຊີນ​​ເຂົ້າ​ຮ່ວມ.

ຈັດຂື້ນໃນວັນທີ 22 ມີນາ 2014 ທີ່ຜ່ານມາ. ຈຸດປະສົງ ແມ່ນເພື່ອເປັນການເສີມສ້າງຄວາມຮັບຮູ້ ແລະ ຄວາມເຂົ້າໃຈທາງດ້ານຕະຫຼາດທຶນ ໃຫ້ແກ່ມວນຊົນທົ່ວໄປ ໂດຍສະເພາະແມ່ນບັນດານັກຮຽນນັກສຶກສາ ຈາກສະຖາບັນການສຶກສາຕ່າງໆ ທົ່ວນະຄອນຫຼວງວຽງຈັນ ພ້ອມທັງ ເປັນການຮັດແໜ້ນສາຍພົວພັນມິດຕະພາບທີ່ດີລະຫວ່າງ ຕະຫຼາດຫຼັກຊັບລາວ, ບັນດາບໍລິສັດຈົດທະບຽນ, ບັນດາບໍລິສັດຫຼັກຊັບ ແລະ ບັນດາບໍລິສັດທີ່ມີເປົ້າໝາຍຈົດທະບຽນໃນອະນາຄົດ ກໍຄືເພື່ອເປັນການສະໜັບສະໜູນ ແລະ ໂຄສະນາບັນດາບໍລິສັດດັ່ງກ່າວ ໃຫ້ເປັນທີ່ຮັບຮູ້ຫຼາຍຂຶ້ນຢູ່ໃນສັງຄົມລາວ.

ເຂົ້າຮ່ວມກິດຈະກຳ​ກັບໜ່ວຍ​ງານ​ສົງ​ເສີມ​ຄວາມ​ຮູ້​ຕະຫຼາດ​ທຶນ ​ຮ່ວມ​ກັບ ຕະຫຼາດ​ຫຼັກ​ຊັບ​ລາວ ບັນຍາຍໃຫ້​​ແກ່ບັນ​ດາ​ພະນັກງານ​ທະນາຄານ​ນະ​ໂຍບາຍ ​ໂດຍ​ບັນຍາຍ​ໃນ​ຫົວ​ຂໍ້ ”ບົດ​ບາດ​ທີ່​ປຶກສາ​ທາງ​ດ້ານ​ການ​ເງິນ” ​ທີ່​ສຳນັກງານ​ໃຫ່ຍທະນາຄານ​ນະ​ໂຍບາຍ​ໃນ​ວັນ​ທີ່ 27 ມິຖຸນາ 2014 ທີ່​ຜ່ານ​ມາ.

ນອກຈາກນີ້ ໃນວັນທີ 14 ພະຈິກ 2014 ບໍລິສັດ ຫຼັກຊັບເອພີເອັມລາວ ຈຳກັດ ຮ່ວມກັບສຳນັກງານຄະນະກຳມະການຄຸ້ມຄອງຫຼັກຊັບ ແລະ ຕະຫຼາດຫຼັກຊັບ (ກ.ລ.ຕ) ແລະ ບໍລິສັດ ຫຼັກຊັບ ໂນມູລະ ພັດທະນະສິນ ຈຳກັດ (ມະຫາຊົນ) ຈັດສໍາມະນາຂຶ້ນໃນຫົວຂໍ້ “ຕະຫຼາດທຶນ ສປປ ລາວ ກັບລະບົບ Omnibus Account” ຂຶ້ນທີ່ຊັ້ນ 8 ອາຄານຕະຫຼາດຫຼັກຊັບລາວ ໂດຍການເປັນປະທານກ່າວເປີດງານຄືທ່ານ ນາງ ສາຍສະໝອນ ຈັນທະລັກ ຮອງຫົວໜ້າ ສຳນັກງານຄະນະກຳມະການຄຸ້ມຄອງຫຼັກຊັບ. ການຈັດສຳມະນາໃນຄັ້ງນີ້ແມ່ນເປັນການສຳມະນາກ່ຽວກັບລະບົບການຊື້ຂາຍຮຸ້ນຜ່ານ Omnibus Account ລະບົບນີ້ຈະຊ່ວຍສ້າງຄວາມສະດວກວ່ອງໄວໃຫ້ກັບນັກລົງທຶນຕ່າງປະເທດທີ່ຕ້ອງການຊື້ຂາຍຮຸ້ນໃນຕະຫຼາດທຶນສປປ ລາວເຊິ່ງຈະເຮັດໃຫ້ມູນຄ່າການຊື້ຂາຍຮຸ້ນໃນຕະຫຼາດເພີ່ມຂຶ້ນ. ການສຳມະນາໃນຄັ້ງນີ້ຖືເປັນການແລກປ່ຽນຄວາມຮູ້ໃໝ່ໆໃຫ້ກັບນັກລົງທຶນສປປ ລາວ ເພື່ອພັດທະນາລະບົບຕະຫຼາດທຶນສປປ ລາວໃຫ້ເຕີບໂຕຂຶ້ນ ແລະ ຮອງຮັບຄວາມຕ້ອງການຊື້ຂາຍຮຸ້ນເພີ່ມຂຶ້ນຈາກນັກລົງທຶນຕ່າງປະເທດ.

ນອກຈາກນີ້, APMLAO ຍັງມີສ່ວນຮ່ວມໃນງານບຸນມະໂຫລານກາເຟລາວຄັ້ງທີ 1 ທີ່ແຂວງ ຈໍາປາສັກ ຈັດຂຶ້້ນ ໂດຍໄປຕັ້ງບູດ ຮ່ວມກັບ ປີ​ໂຕຣລ້ຽ​ມ​ເທຣດດິ້ງ ລາວ ມະຫາຊົນ ແລະ ບໍລິສັດ ຫຼັກຊັບ ລ້ານຊ້າງ ມະຫາຊົນ ເພື່ອໃຫ້ຂໍ້ມູນກ່ຽວກັບຕະຫຼາດທຶນ ໃນວັນທີ 24-26/ພະຈິກ/2014 ເຊິ່ງເຫັນໄດ້ວ່າກໍ່ມີຫຼາຍຄົນທີ່ໃຫ້ຄວາມສົນໃຈ ແລະ ຍາກຈະລົງທຶນໃນຕະຫຼາດຫຼັກຊັບ. 

ໃນວັນທີ 28 ກຸມພາ 2015 ທີ່ຜ່ານມາ ບໍລິສັດ ຫຼັກຊັບເອພີເອັມລາວ ຈຳກັດ ໄດ້ເຂົ້າຮ່ວມງານເປີດໂລກແຫ່ງການລົງທຶນ - ເປີດປະຕູສູ່ AEC 2015 (Investment Gateway AEC 2015) ເຊິ່ງໄດ້ເຂົ້າຮ່ວມງານເປັນປີທີສອງ. ພາຍໃນງານ APMLAO ກໍ່ໄດ້ມີການຈັດກິດຈະກຳ ຖາມ-ຕອບ ເພື່ອແລກຂອງລາງວັນ ແລະ ໄດ້ແນະນຳໜ້າທີ່ຂອງ APMLAO ໃຫ້ແກ່ບັນດາຜູ້ເຂົ້າຮ່ວມງານ, ນອກນັ້ນ ຍັງໄດ້ມີສ່ວນຮ່ວມໂດຍການບັນຍາຍໃຫ້ຄວາມຮູ້ແກ່ຜູ້ເຂົ້າຮ່ວມໃນຫົວຂໍ້ “ມຸມມອງການລົງທຶນຕະຫຼາດຫຼັກຊັບລາວ ໃນ AEC”.

ໃນວັນທີ 28 ກຸມພາ 2015 ທີ່ຜ່ານມາ ບໍລິສັດ ຫຼັກຊັບເອພີເອັມລາວ ຈຳກັດ ໄດ້ເຂົ້າຮ່ວມງານເປີດໂລກແຫ່ງການລົງທຶນ - ເປີດປະຕູສູ່ AEC 2015 (Investment Gateway AEC 2015) ເຊິ່ງໄດ້ເຂົ້າຮ່ວມງານເປັນປີທີສອງ. ພາຍໃນງານ APMLAO ກໍ່ໄດ້ມີການຈັດກິດຈະກຳ ຖາມ-ຕອບ ເພື່ອແລກຂອງລາງວັນ ແລະ ໄດ້ແນະນຳໜ້າທີ່ຂອງ APMLAO ໃຫ້ແກ່ບັນດາຜູ້ເຂົ້າຮ່ວມງານ, ນອກນັ້ນ ຍັງໄດ້ມີສ່ວນຮ່ວມໂດຍການບັນຍາຍໃຫ້ຄວາມຮູ້ແກ່ຜູ້ເຂົ້າຮ່ວມໃນຫົວຂໍ້ “ມຸມມອງການລົງທຶນຕະຫຼາດຫຼັກຊັບລາວ ໃນ AEC”.

ໃນເດືອນ ເມສາ  2015 ທາງບໍລິສັດ ໄດ້ສົ່ງພະນັກງານ ໄປຮຽນຮູ້ການດຳເນີນງານທີ່ປະເທດໄທ ເພື່ອເປັນການແລກປ່ຽນຄວາມຮູ້ ແລະ ໄດ້ມີໂອກາດໄປເຂົ້າຮ່ວມກອງປະຊຸມຜູ້ຖືຮຸ້ນຂອງ ບໍລິສັດ ກັນກຸນເອັນຈິເນຍລິງ ມະຫາຊົນ (Gunkul Engineering Public Company Limited)

ທ່ານ ສົມ​ພັບ ສັກ​ພັນ​ພະນົມ ຜູ້ອຳນວຍການ ບໍລິສັດ ຫຼັກຊັບເອພີເອັມລາວ ຈຳກັດ ພ້ອມ    ​ທີ​ມງານຈາກ (APMLAO)​  ແລະ APM ຮ່ວມອອກ​ບູທ ໃນງານມະຫະກຳການເງິນ Money Expo 2015 ຕະຫຼາດນັດທາງການເງິນການລົງທຶນທີ່ໃຫຍ່ທີ່ສຸດໃນປະເທດໄທເຊິ່ງຈັດຂື້ນລະຫວ່າງວັນທີ 07 – 10 ພຶດສະພາ 2015 ທີ່ສູນງານວາງສະແດງ Impact Arena ເມືອງ ທອງທານີ, ປະເທດໄທ.

ທ່ານ ສົມ​ພັບ ສັກ​ພັນ​ພະນົມ ຜູ້ອຳນວຍການ ບໍລິສັດ ຫຼັກຊັບເອພີເອັມລາວ ຈຳກັດ ພ້ອມ    ​ທີ​ມງານຈາກ (APMLAO)​  ແລະ APM ຮ່ວມອອກ​ບູທ ໃນງານມະຫະກຳການເງິນ Money Expo 2015 ຕະຫຼາດນັດທາງການເງິນການລົງທຶນທີ່ໃຫຍ່ທີ່ສຸດໃນປະເທດໄທເຊິ່ງຈັດຂື້ນລະຫວ່າງວັນທີ 07 – 10 ພຶດສະພາ 2015 ທີ່ສູນງານວາງສະແດງ Impact Arena ເມືອງ ທອງທານີ, ປະເທດໄທ.

ນອກຈາກນີ້ທາງບໍລິສັດຍັງໄດ້ຮ່ວມເປີດບູທ APMLAO ເພື່ອແນະນໍາກ່ຽວກັບບົດບາດທີ່ປຶກສາທາງການເງິນໃນງານສະມາຄົມໄທ - ລາວເພື່ອມິດຕະພາບຄົບຮອບ 40 ປີ ຈັດຂື້ນເມື່ອວັນທີ 28 ພຶດສະພາ 2015 ທີ່ໂຮງແຮມ ຄອນຣາດ, ປະເທດໄທ.  

ບໍລິສັດ ຫຼັກຊັບເອພີເອັມລາວ ຈຳກັດ (APMLAO) ຮ່ວມກັບ ຄະນະບໍລິຫານທຸລະກິດ ມະຫາວິທະຍາໄລຊຽງໃໝ່ຈັດເຝິກອົບຮົມໄລຍະສັ້ນ ໃນຫົວຂໍ້: “ IFRS FOR BANKING BUSINESS “ ໂດຍການເປັນປະທານກ່າວເປີດໂດຍ ຮສ ເດດພູວັງ ມູລຣັຕນ໌ ອະດີດປະທານຄະນະ, ຫົວໜ້າໃຫຍ່ຜູ້ບໍລິຫານຕະຫຼາດຫຼັກຊັບລາວ ແລະ ທ່ານ ສົມພົບ ສັກພັນພະນົມ ຜູ້ອຳນວຍການບໍລິສັດ ຫຼັກຊັບເອພີເອັມລາວ ຈຳກັດ (APMLAO) ຮ່ວມກ່າວເຖິງຈຸດປະສົງຂອງການຈັດເຝິກອົບຮົມ. ມີຜູ້ເຂົ້າຮ່ວມທີ່ມາຈາກພາກລັດ ແລະ ເອກະຊົນເຊັ່ນ: ກົມຄຸ້ມຄອງທະນາຄານທຸລະກິດ, ກົມຄຸ້ມຄອງສະຖາບັນການເງິນ, ສຳນັກງານຄະນະກຳມະການຄຸ້ມຄອງຫຼັກຊັບ, ຕະຫຼາດຫຼັກຊັບລາວ, ບັນດາທະນາຄານທຸລະກິດລັດ ແລະ ທະນາຄານເອກະຊົນ 40 ກວ່າຄົນ. ການສຳມະນາແມ່ນຈັດຂຶ້ນທີ່ຫ້ອງປະຊຸມໂຮງແຮມ ແລນມາກ ຣີເວີໄຊ ໃນວັນທີ 11-12 ພຶດສະພາ 2015 ຜ່ານມາ.

ທາງບໍລິສັດໄດ້ຮ່ວມກັບມະຫາວິທະຍາໄລຊຽງໃໝ່ຮ່ວມກັນຈັດສຳມະນາພາຍໃຕ້ຫົວຂໍ້ “ IFRS For Banking Business” ຄັ້ງທີ 2 ຈັດຂື້ນລະຫວ່າງວັນທີ 5 – 6 ມິຖຸນາ 2015 ທີ່ໂຮງແຮມ ແລກມາກ ເປັນການບັນຍາຍຫຼັກສູດກ່ຽວກັບມາດຕະຖານບັນຊີ International Financial Report System (IFRS) ໃຫ້ກັບບັນດາທະນາຄານ ໂດຍໄດ້ຮັບການບັນຍາຍຈາກອາຈານທີ່ມີປະສົບການດ້ານນີ້ມາຫຼາຍປີຈາກມະຫາວິທະຍາໄລຊຽງໃໝ່.

ໃນວັນທີ 15 ມິຖຸນາ 2015 ທາງບໍລິສັດຍັງໄດ້ມີການຈັດສຳມະນາຮ່ວມກັບ ໜັງສືພິມ ໂພດທູເດ ແລະ ບາງກອກໂພດ ໃນຫົວຂໍ້: “ລາວ:ໂອກາດກ້າວກະໂດດ”  ເຊິງ​ເປັນການບັນຍາຍເພື່ອແລກປ່ຽນຄວາມຄິດ​ເຫັນລະຫວ່າງ ວິທະຍາກອນທີ່ມີຄວາມຮູ້ ແລະ ມີປະສົບຈາກປະເທດໄທ ແລະ ປະເທດລາວ ໂດຍມີຜູ້ເຂົ້າຮ່ວມທີ່ຈາກພາກສ່ວນລັດ ແລະ ເອກະຊົນ ປະມານ 300 ກວ່າຄົນ.

ທາງບໍລິສັດໄດ້ຮ່ວມກັບມະຫາວິທະຍາໄລຊຽງໃໝ່ຮ່ວມກັນຈັດສຳມະນາພາຍໃຕ້ຫົວຂໍ້ “ IFRS For Banking Business” ຄັ້ງທີ 3 ຈັດຂື້ນລະຫວ່າງວັນທີ 9 – 10 ກໍລະກົດ 2015 (ເປັນການປິດຫຼັກສູດ) ທີ່ໂຮງແຮມ ແລກມາກ ເປັນການບັນຍາຍຫຼັກສູດກ່ຽວກັບມາດຕະຖານບັນຊີ International Financial Report System (IFRS) ໃຫ້ກັບບັນດາທະນາຄານ ໂດຍໄດ້ຮັບການບັນຍາຍຈາກອາຈານທີ່ມີປະສົບການດ້ານນີ້ມາຫຼາຍປີຈາກມະຫາວິທະຍາໄລຊຽງໃໝ່.

ທາງບໍລິສັດໄດ້ມີສ່ວນຮ່ວມເຂົ້າໃນການເປີດບູ້ດໃນງານ The 7th Asean – China Young Entrepreneur Forum 2015 ເຊິ່ງຈັດຂື້ນທີ່ຫໍປະຊຸມແຫ່ງຊາດລາວເມື່ອວັນທີ 6 – 7 ສິງຫາ 2015 ເຊິ່ງພາຍໃນງານມີຫຼາກຫຼາຍບໍລິສັດມາຮ່ວມເພື່ອນຳສະເໜີຂໍ້ມູນໃຫ້ກັບບັນດານັກລົງທຶນ ຫຼື ພາກສ່ວນທົ່ວໄປ.

ທ່ານ ສຸພົນ ຄ້າພອຍດີ ຜູ້ອໍານວຍການຝ່າຍທີ່ປຶກສາທາງການເງິນ ບໍລິສັດ ຫຼັກຊັບເອພີເອັມລາວ ຈຳກັດ ເຂົ້້າຮ່ວມບັນຍາຍໃຫ້ຄວາມຮູ້ໃນຫົວຂໍ້ “ສະຖາບັນການເງິນ ແລະ ຕະຫຼາດການເງິນ’’ ໃຫ້ກັບນັກສຶກສາພາກວິຊາການເງິນ - ການທະນາຄານ, ຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດລາວ ຈໍານວນ 165 ຄົນ ເນື່ອງໃນໂອກາດທັດສະນະສຶກສາ ເພື່ອຮຽນຮູ້ ແລະ ຖອດຖອນບົດຮຽນ ໃນພາກທິດສະດີ ແລະ ປະຕິບັດຕົວຈິງ ທີ່ອາຄານຕະຫຼາດຫຼັກຊັບລາວ ໃນວັນທີ 27 ທັນວາ 2015 ທີ່ຜ່ານມາ.